मकवानपुर मिडिया प्रा.लि.द्धारा संचालित मकवानपुरको पहिलो रेडियो एफ.एम. हेटौंडा एफ.एम. ९६.६ मेगाहर्ज
logo
 झापाको गौरीगञ्जमा व्यापारीको अपहरणपछि हत्या     जनकपुर – जयनगर रेल सेवा : आधा बाटोमा आइपुग्यो रेल     विद्यालय हिँडेकी बसन्ता पाँच दिनदेखि सम्पर्कविहीन     हेटौंडा एफएमको आयोजना तथा लक्कि ज्वेलर्सको प्रायोजनमा खुल्ला तीजगीत महोत्सव २०७५     सावधान ! तपाईँलाई पनि इमोमार्फत २५ लाख पर्‍याे भन्दै ठग्लान नि !     भरतपुरबाट पाँच बर्षकी छोरीसहित आमा बेपत्ता !     हेटौंडा एफएमको आयोजना तथा लक्कि ज्वेलर्सको प्रायोजनमा खुल्ला तीजगीत महोत्सव २०७५     विद्युत प्राधिकरणको खुद नाफा एक अर्ब नाघ्ने, चुहावट नियन्त्रणबाटै ४ अर्ब थप आम्दानी     मकवानपुरमा सुमो माथि पेट्रोल बम प्रहार     मकवानपुरको टिष्टुङमा स्कुल बसमा आगजनी     मकवानपुरे गायिका प्रतिभा सापकोटा “आउ डार्लिङ नाचौ” भन्दै बजारमा   
अन्तराष्ट्रिय समाचार


ट्रम्प बारेको पुस्तक रोक्ने प्रयासमा ह्वाइट हाउसका वकिल, पुस्तक आजै आउने


अन्तराष्ट्रिय समाचार    16 पटक पढिएको        २०७४ पौष २१ शुक्रवार

ट्रम्प बारेको पुस्तक रोक्ने प्रयासमा ह्वाइट हाउसका वकिल, पुस्तक आजै आउने


पुस २१ – अमेरिकी राष्ट्रपति डोनाल्ड ट्रम्पका वकिलहरुले उहाँको प्रशासनका बारेमा गम्भीर दाबी गरिएको पुस्तक बजारमा जानबाट रोक्ने प्रयास सुरु गरेका छन् । पत्रकार माइकल वुल्फले लेखेको ट्रम्प प्रशासन सम्बन्धी पुस्तक ‘फायर एण्ड फ्यूरी स् इनसाइड द ट्रम्प ह्वाइट हाउस’ मा राष्ट्रपति ट्रम्पको ह्वाइट हाउस यात्रा र त्यसपछिका विभिन्न पक्षका बारेमा खुलाइएको छ ।



पूर्व सहयोगीले खोले ट्रम्पको रहस्य, भड्किए ट्रम्प

बेननले अमेरिकी राष्ट्रपति चुनावमा रुसी हस्तक्षेपका बारेमा पत्रकार माइकल वुल्फको किताबमा बताएका छन् । हिलारी क्लिन्टनका बारेमा डोनाल्ड ट्रम्पका छोरालाई रुसी अधिकारीले सन् २०१६ को जुनमा भएको भेटमा जानकारी दिएको बेननले बताएका हुन् । रुसी अधिकारीसँगको ट्रम्प जुनियरको भेट गैरकानुनी रहेको बेननले पुस्तकमा बताएका छन् । सन् २०१६ मा भएको राष्ट्रपति चुनावमा ट्रम्पलाई जिताउन बेननको महत्वपूर्ण हात रहेको अमेरिकी सञ्चारमाध्यम तथा विश्लेषकले बताउने गरेका छन् ।


ट्रम्पले चुनाव जितेपछि पनि बेनन ह्वाइटहाउसको सल्लाहकार तथा सहयोगको रुपमा रहनुभएको थियो । प्रमुख रणनीतिक सल्लाहकारको रुपमा रहनुभएका बेननलाई राष्ट्रपति ट्रम्पले गएको अगस्टमा बर्खास्त गर्नुभएको थियो । आफ्नो बारेमा गम्भीर खुलासा गरेपछि ट्रम्पले बुधबार वक्तव्य जारी गरेर बेननको आरोपको खण्डन गर्दै बेनन र आफ्नो राष्ट्रपति चुनावमा उम्मेदवारीबिच कुनै सम्बन्ध नरहेको दाबी गर्नुभएको छ ।


बेननले आफू बर्खास्त भएका बेला होस पनि गुमाएको र बेहोसीमा नचाहिने कुरा बोल्दै हिँडेको ट्रम्पले आरोप लगाउनुभएको छ । तर गएको अगस्टमा बेननलाई खर्बास्त गर्ने बेलामा ट्रम्पले बेननलाई धन्यवाद दिँदै आफ्नो चुनावी अभियानमा ठूलो सहयोग गरेको बताउनुभएको थियो । विवादास्पद बनेको पत्रकार वुल्फको पुस्तकमा ट्रम्पले राष्ट्रपतीय चुनाव अप्रत्यासित रुपमा जितेको पनि उल्लेख गरिएको छ । 


विवादका बिच प्रशासकले पुस्तक सार्वजनिक गर्ने मिति तय गरेका छन् । आउँदो मंगलबार सार्वजनिक हुने भनिएको पुस्तक अब शुक्रबार आज सार्वजनिक गर्ने तयारी छ ।

ट्रम्पका वकिलले रोक्ने प्रयास गरेकाले शुक्रबार नै सार्वजनिक गर्न लागिएको लेखक वुल्फले बताएका छन् । ह्वाइट हाउसले पुस्तकको विश्वसनियतामा प्रश्न गरेको छ ।

पत्रकार वुल्फले पुस्तकमा ट्रम्पको टिम चुनावमा पाएको जितबाट आश्चर्यमा परेको तथा तर्सिएको, ट्रम्पकी श्रीमती मिलानिया चुनावको रात निकै निराश रहेको, आफ्नो शपथग्रहणमा ए–लिस्टका कलाकार नआएकोमा ट्रम्प रिसाएको, ट्रम्प ह्वाइट हाउसमा डराएको, ट्रम्पकी छोरी इभान्काले आफू पनि राष्ट्रपति बन्ने सपना देख्न थालेको सहितका दाबी गरिएको छ ।





कमेन्टसहरु




Copyright © 2017, All Rights Reserved ! Powered by :
Top