मकवानपुर मिडिया प्रा.लि.द्धारा संचालित मकवानपुरको पहिलो रेडियो एफ.एम. हेटौंडा एफ.एम. ९६.६ मेगाहर्ज
logo
 सरकार दुईतिहाईको दम्भमा निरंकुश बन्दैः नेता के.सी.     प्रदेश सभा बैठक : मतदानमार्फत बजेट अगावै राजधानी र नामाकरण टुङ्ग्याउन माग     प्रदेश तीनको सदनमा बिनियोजन बिद्ययक पेश      प्रदेशको राजधानी छिटो टुङ्गो लगाउन सुझाब     काग्रेशद्वारा प्रदेश ३ को संसद अबरुद्ध     प्रभावकारी बन्दै मुख्यमन्त्री स्वास्थ्य परिक्षण      हेटौंडा एफएमको १४ औं बार्षिकोत्सव सम्पन्न     हेटौडा एफएम १४ औ वर्षमा प्रवेश      प्रदेश ३ को नीति तथा कार्यक्रम जेठ पहिलो साता     सरकार सुशासन र विकासको बाटोमा : प्रधानमन्त्री ओली      विश्व प्रेस स्वतन्त्रता दिवसका अबसरमा हेटौंडामा प्रभातफेरी   

समाज

मोरङमा बन्यो नमूना तरकारी बजार, झण्डै ४५ हजार मेट्रिक टन कारोबार क्षमता


  • समाज
  • पटक पढिएको
२४ पुस, विराटनगर । विराटनगरको तरकारी बजारलाई व्यवस्थित र ‘स्मार्ट’ बनाउने उद्देश्यले मोरङको कटहरीमा अत्याधुनिक सुविधा सम्पन्न तरकारी तथा फलफूल बजार निर्माण भएको छ ।

मोरङमा बन्यो नमूना तरकारी बजार, झण्डै ४५ हजार मेट्रिक टन कारोबार क्षमता

दैनिक ४४ हजार ९६६ मेट्रिक टन तरकारी र ८ हजार ७०३ मेट्रिक टन फलफूल बिक्री गर्नसक्ने क्षमता बजारको छ ।

संघीय कृषि विकास मन्त्रालयको व्यवसायिक कृषि तथा ब्यापार आयोजना ९प्याक्ट० अन्तर्गत करिब १७ करोडको लागतमा कटहरी गाउँपालिका( १ मा अत्याधुनिक फलफूल तथा तरकारी बजार निर्माण भएको हो ।

व्यवसायिक कृषि तथा व्यापार आयोजना प्याक्ट पूर्वाञ्चल क्षेत्रीय कार्यालयका प्रमुख भानु मैनालीले संरचना निर्माणको काम सकिएकाले अब चाँडै नै तरकारी बजार सञ्चालनमा आउनेछ ।

मोरङको कटहरीमा निर्माण गरिएको तरकारी तथा फलफूल बजार प्रदेश १ कै नमूना योजना हो । संघीय सरकारले निर्माण गरेको भएपनि यो प्रदेश सरकारलाई हस्तान्तरण हुनेछ ।

यस्ता छन् विशेषता

तरकारी बजार क्षेत्रभित्र २ तले प्रशासनिक भवन, क्यान्टिन, बैंक काउन्टर, हेल्थ क्लिनिक, म्यानेजर क्वाटर, सार्वजनिक शौचालय, नापतौल मेसिन, फोहर व्यवस्थापन एरिया रहनेछन् । साथै त्यस बजारभित्र लोड(अनलोड एरिया, डिप ट्युबेल, सीसीटीभी, जेनेरेटर, सोलार, गार्ड पोष्ट पार्किङ एरियासमेत रहने छ ।

तरकारी बजारमा होलसेल र खुद्रा तरकारी बिक्रीका छुट्टाछुट्टै स्थान निर्माण गरिएको छ । बजारमा १७ वटा होलसेल पसल छन् । रिटेल बजार पनि निर्माण गरिएको छ ।

अत्याधुनिक तरकारी बजारमा किसानले सोझै आफूले उत्पादन गरेको तरकारी तथा फलफूल पनि बिक्रीका लागि ल्याउन सक्ने छन् । बचौलियाको मारमा परेका किसानका समस्यालाई मध्यनजर गर्दै किसानले सोझै उपभोक्तालाई तरकारी तथा फलफूल बिक्री गर्न पाउने व्यवस्था गरिएको प्याक्टले जनाएको छ ।

तरकारी तथा फलफूल बजारको फोहोर संकलन र व्यवस्थापनका लागि छुट्टै यार्डको व्यवस्था गरिएको छ ।

बजारमा पानी आपूर्तिका लागि फिल्टरसहितको डिप ट्युबेल, बत्तीका लागि जेनेरेटर र सोलारको व्यवस्था गरिएको छ । बजार निगरानीका लागि सीसी क्यामेरासमेत जडान गरिएको छ । बजारमा अन्डर ग्राउन्ड ‘फायर फारिङ’को व्यवस्था पनि गरिएको छ । बजार परिसरमा पार्किङका लागि पर्याप्त खाली ठाउँ राखिएको छ ।

तरकारी ढुवानीमा संलग्न गाडीका चालक, सुरक्षा गार्ड र किसानका लागि आराम कक्ष निर्माण गरिएको छ । तरकारी बजार व्यवस्थापक र तरकारी बजार सञ्चालक समितिका पदाधिकारीको कार्यकक्षका लागि छुट्टै प्रशासनिक भवन पनि निर्माण गरिएको छ । बजारभित्रै क्यान्टिनको व्यवस्था पनि छ ।

विराटनगर महानगरपालिकाको गुद्री तरकारी बजार सार्ने गरी कटहरीमा २०६८ सालमा सम्झौता भई भूमि कन्स्ट्रक्सनले बजारको पूर्वाधार निर्माणको काम शुरु गरेको थियो ।

विराटनगरको गुद्री स्थानान्तरण हुने 

कटहरीमा निर्माणाधीन तरकारी बजार सञ्चालनमा आएलगत्तै विराटनगरस्थित गुद्री तरकारी तथा फलफूल बजार स्थानान्तरण हुने भएको छ ।

विराटनगरको एकमात्रै थोक बजार गुद्री साँघुरो र अव्यवस्थित रुपमा हाल सञ्चालनमा छ । यहाँबाट प्रदेश १ का विभिन्न जिल्लामा तरकारी तथा फलफूलको आपूर्ति हुँदै आएको छ ।

सहरको मुख्य बजार क्षेत्रमा अवस्थित रुपमा सञ्चालित तरकारी बजारका कारण विराटनगरको सहरी सौन्दर्यमा ह्रास आउनुका साथै फोहोरमैला, भीड र जामको समस्या छ ।

गुद्रीका कारण सहर अस्तव्यस्त भएकाले निर्माणाधीन बजार सञ्चालनमा आएलगत्तै गुद्री स्थानान्तरण गरिने विराटनगर महानगरपालिकाका मेयर भीम पराजुलीले बताए । उनले भने ‘गुद्री सार्ने, सहर सफा र व्यवस्थित पार्ने उद्देश्यले नै कटहरीमा आधुनिक बजार निर्माण गरिएको हो ।’

पराजुलीका अनुसार कटहरीस्थित आधुनिक तरकारी बजार गुद्री बजारलाई स्थानान्तरण गर्ने उद्देश्यले महानगरपालिका र कटहरी गाउँपालिकाको संयुक्त पहलमा स्थानीय विद्यालय र कटहरी गाउँपालिकाको करिब ६ बिघा जग्गा भाडामा लिएर निर्माण थालिएको थियो ।




कमेन्टसहरु



सम्बन्धित शिर्षक समाचारहरु


नेपाल विद्यार्थीद्धारा बिदाई तथा सम्मान - 2017-04-04


मकवानपुरमा २ लाख २७ हजार ७ सय ५९ मतदाता - 2017-04-04
हेटौंडा एफएम, २१ चैत/स्थानीय निर्वाचनमा सहभागीता जनाउनको लागि मकवानपुरबाट २ लाख २७ हजार ७ सय ५९ मतदाता रहेको निर्वाचन आयोगले जनाएको छ ।

डडेल्धुरामा प्रहरी र म्यादी प्रहरीका आवेदकबिच झडप, ३ प्रहरी घाइते - 2017-04-03
डडेल्धुरा, चैत २१ – डडेल्धुरामा म्यादी प्रहरीका लागि आवेदन दिएकाहरु आन्दोलित भएका छन् । म्यादी प्रहरी छनौटमा अनियमितता भएको भन्दै असन्तुष्टले आन्दोलन गरेपछि प्रहरी र आवेदकबिच झडप समेत भएको छ । जिल्लामा कुल ४ सय १३ जनाको सिटमा तेब्बर बढी अर्थात १ हजार ३ सय २६ जनाको दरखास्त परेपछि छनौट प्रक्रियामा ठूलो संख्यामा युवाहरु बाहिरीएपछि असन्तुष्टहरु आन्दोलित भएका हुन् । सोमबार बिहान प्रकाशित नतिजामा छनौटका लागि न्युनतम तौल समेत नपुगेका व्यक्तिहरु म्यादी प्रहरीमा छनौट गरिएको भन्दै असन्तुष्ट समूहले जिल्ला प्रहरी कार्यालय डडेल्धुरामा ढुङ्गामुडा प्रहार गरेका छन् ।

मुग्लिन–नारायणघाट सडकखण्डमा पहिरो खस्यो, पहिरोमा पुरिएका गाडी खोजिदैँ - 2017-04-03
चितवन, चैत २१ –मुग्लिन–नारायणगढ सडक खण्डमा पहिरो खस्दा पुरिएका गाडी र मोटरसाइकल खोज्ने काम भइरहेको छ । दुईजना घाइतेको उद्धार गरिएको र अरु मानिस पहिरोमा परे, नपरेकोबारे थाहा हुन नसकेको प्रहरीले जनाएको छ । सोमबार बिहान झण्डै साढे १० बजे पहिरो खस्दा चारवटा गाडी र ५ वटा मोटरसाइकल पुरिएको हो ।

कांग्रेस सभापति देउवा विरुद्ध सर्वोच्चमा रिट - 2017-04-03
काठमाडौं, २१ चैत/नेपाली कांग्रेसका सभापति शेरबहादुर देउवाविरुद्ध अदालतको अपहेलना गरेको भन्दै सर्वोच्च अदालतमा रिट निवेदन दर्ता गरिएको छ । आइतबार अधिवक्ता हरिप्रसाद मैनालीले कांग्रेस सभापति देउवा र नेपाली कांग्रेस केन्द्रीय समितिलाई समेत विपक्ष बनाई सर्वोच्च अदालतमा निवेदन दर्ता गराउनुभएको हो ।

प्रेस चौतारी मकवानपुरद्धारा प्रसान्त देबको शोक सभा - 2017-04-03
हेटौंडा एफएम २० चैत/प्रेस चौतारी मकवानपुरले जिल्ला सदस्य प्रसान्त देबको आज शोक सभा गरेको छ । नेकपा एमाले मकवानपुरकी अध्यक्ष मुनु सिग्देलले उनको तस्बीरमा माल्यार्पण गर्दै उनको निधनले पत्रकारीता क्षेत्रमा क्षति पुगेको बताइन् । देबको निधनप्रति दुख ब्यक्त गर्दै अध्यक्ष सिग्देलले देबले गरेको कार्यको प्रशंसा गरीन् ।

चुनावमा सबै पार्टी तथा जनताले सहभागिता जनाउनु पर्छः मणि थापा - 2017-04-03
हेटौंडा एफएम, २० चैत/नेकपा माआवादी केन्द्रको केन्द्रीय कार्यालय सदस्य तथा योड्ड कम्यूनिष्ट लिग नेपालको फ्याक्सन इन्चार्ज मनि थापाले १९ वर्षपछि हुन लागेको स्थानिय निकायको चुनावमा सबै पार्टी तथा नेपाली जनताले सहभागिता जनाउनुपर्ने बताए । ‘अहिलेको चुनाव स्थानिय निकायको चुनाव’ भएकोले उनले भने–‘जनताको सरकार आफैँ बनाउने र चलाउने भएकोले देशको सम्वृद्ध भविष्य आफैँ बनाउने भएकोले चुनाव अपरिहार्य रहेको छ ।’

गढी गाँउपालीका वडा नं. ५ वडामा नेकपा एमालेको वडा भेलासम्पन्न - 2017-04-02
हेटौंडा एफएम २० चैत/गढी गाँउपालीका वडा नं. ५ वडामा नेकपा एमालेको वडा भेला आज सम्पन्न भएको छ । आँउदो स्थानीय निर्बाचनलाई लक्षित गरेर नेकपा एमालेले गरेको वडा भेलामा नेकपा एमाले जिल्ला उपाध्यक्ष बद्री लम्सालको प्रमुख आतिच्यता रहेको थियो । कार्यक्रमा बोल्दै प्रमुख अतिथी लम्सालले १९ बर्ष पछि हुनलागेको अहिलेको निर्बाचनले जनतालाई अधिकार सम्पन्न बनाउने भएकाले सबैले सहभागीता जनाउनु पर्ने बताउनुभयो ।

जिल्ला युवा समिति मकवानपुरले युवा लक्षित बिभिन्न कार्यक्रमहरु गर्ने - 2017-04-02
हेटौंडा एफएम २० चैत/जिल्ला युवा समिति मकवानपुरले यस जिल्लामा युवालाई लक्षित गरेर बिभीन्न खालका कार्यक्रमहरु गर्ने भएको छ । युवा समितिको आयोजनामा युवाका मुद्धा तथा कार्यक्रमको बारेमा मकवानपुरका पत्रकार संगको अन्तरकृया कार्यक्रममा यसका बारेमा जानकारी गराइएको हो ।

PREV 1 2 3 4 5 6 7 8 9 10 11 12 13 14 15 16 17 18 19 20 21 22 23 24 25 26 27 28 29 30 31 32 33 34 35 36 37 38 39 40 41 42 NEXT

Copyright © 2017, All Rights Reserved ! Powered by :
Top