मकवानपुर मिडिया प्रा.लि.द्धारा संचालित मकवानपुरको पहिलो रेडियो एफ.एम. हेटौंडा एफ.एम. ९६.६ मेगाहर्ज
logo
 राष्ट्रियसभा निर्वाचनः प्रदेश ४ मा १२ जनाको उम्मेदवारी दर्ता     प्रदेश १ मा दश जनाको मनोनयन      अमेरिकी राष्ट्रपति ट्रम्पले गरे मोदीको तारिफ     राष्ट्रियसभा चुनावमा जनमोर्चाका तीन उम्मेदवार     शेयर बजारसँगै कारोबार रकम पनि ओरालो     पोइल जान पाउँ भन्दै गीत गाउने कोमल वली एमालेकी राष्ट्रियसभा उम्मेदवार     कुन प्रदेशमा कसको सरकार ?       मकवानपुरको चुनाव मान्यता प्राप्त नरहेको एन्फाको भनाई      आज श्रीपञ्चमी, विद्याकी अधिष्ठात्री देवी सरस्वतीको पूजा आराधना गरीदैँ     तीन नंम्बर प्रदेशका सांसदहरुको सपथग्रहण सकियो      सातै प्रदेशका प्रदेश प्रमुख ताेकिए, प्रदेश ३ मा अनुराधा   

रंगमञ्च

कलाकारको राजनीति मोह, को कलाकार कुन पार्टीमा ?

  • रंगमञ्च
  • पटक पढिएको
काठमाडौं, मंसिर ४ –पछिल्लो समयमा धेरैजसो कलाकारहरु कुनै न कुनै पार्टीमा आवद्ध छन् । तर पार्टी प्रवेशपछि केही कलाकारहरुको सक्रियताले निरन्तरता पाएको छ भने केही प्रवेशसँगै राजनीतिबाट गुमनाम हुने गरेका छन् ।

कलाकारको राजनीति मोह, को कलाकार कुन पार्टीमा ?

नेपालमा पहिलो संविधानसभा सँगै हालै सम्पन्न  स्थानीय तहको चुनावका बेला समेत  कलाकारहरुको पार्टी प्रवेशले निरन्तरता पायो । अहिले प्रदेश र प्रतिनिधिसभा सदस्यको चुनावका बेला पनि कलाकारको पार्टी अदलीबदली चलिरहेको छ । पार्टीमा आवद्ध भएका केही कलाकारहरुले स्थानीय तहको चुनावमा आफू आवद्ध पार्टीको लागि भोट माग्दै हिँडे । केही कलाकारहरु पार्टीमा प्रवेश गरे तर चुनावको प्रचारप्रसारबाट टाढै रहे । तर केही कलाकारहरुले भने कुनै पनि पार्टीमा आवद्ध नहुँदा पनि आफूले चाहेको पार्टी र नेताका लागि भोट माग्दै हिँडेका थिए । महानायक राजेश हमाल स्थानीय तहको चुनावको समयमा काठमाडौं महानगरपालिका वडा नम्बर २६ एमालेबाट उम्मेदवार दिएका देवेन्द्र रिमालका लागि भोट माग्दै हिँडेको देखिएको थियो ।  जबकी राजेश आफूलाई कुनै पनि पार्टीमा आवद्ध नभएको स्वतन्त्र नागरिक बताउँछन् । 

यसका साथै अन्य केही कलाकारहरुले पनि खुलेर आफूले चाहेको पार्टी र नेताको समर्थन गर्दै भोट मागे ।  अहिले प्रदेशसभा र प्रतिनिधिसभाको चुनावको लागि पनि केही कलाकारहरु प्रचारप्रसारमा व्यस्त भएका छन् । केहीले खुलेआम मन परेका नेताको लागि भोट मागेका छन् भने केहीले गीतसंगीत मार्फत । आज हामी यो सामाग्रीमा प्रदेशसभा र स्थानीयसभाको चुनावमा पार्टीको प्रचार प्रसार र भोट माग्ने अभियानमा सक्रिय रहेका केही कलाकारहरुको बारेमा चर्चा गर्दैछौँ ।

कोमल वली 

गायिका तथा पूर्व सञ्चारकर्मी कोमल वली यतिबेला एमालेका लागि भोट मागिरहेकी छिन् । केही समयअघि मात्रै उनले राप्रपा छोडेर एमालेमा गरेकी हुन् ।  प्रदेशसभा र प्रतिनिधिसभाको चुनावमा उनी एमालेबाटै दाङ क्षेत्र नम्बर तीनबाट  उम्मेदवार उठ्न खोजेकी थिइन् । तर टिकट नपाएपछि उनी अहिले पार्टीको समर्थन गर्दै चुनावी प्रचार प्रसारमा मात्र जुटेकी छिन् । उनी अहिले एमालेको लागि भोट माग्दै झापा पुगेकी छिन् । कोमलले राजनीतिकै लागि रेडियो नेपालको जागिर समेत छोडेकी थिइन् ।

करिष्मा मानन्धर

अभिनेत्री करिष्मा मानन्धर नयाँ शक्ति पार्टीको स्थापना कालदेखि नै यस पार्टीमा आवद्ध छिन् । उनी यस पार्टीकी केन्द्रिय सदस्य पनि हुन् । स्थानीय तहको चुनावको समयमा उनी नयाँ शक्ति पार्टीको प्रचार प्रसारमा खुबै हिँडिन् । पार्टीले आयोजना गरेका हरेक कार्यक्रममा उनको उपस्थिति रह्यो । प्रदेशसभा र प्रतिनिधिसभाको चुनावमा उनी नयाँ शक्तिपार्टीबाट समानुपातिकमा उम्मेदवार छिन् । यतिबेला उनी नयाँ शक्तिको लागि भोट माग्दै हिँडेकी छिन् । केही दिनअघि मात्रै उनी बाबुरामको लागि भोट माग्दै गोरखाको पालुङटारमा पुगेकी थिइन् ।  बाबुराम गोर्खा क्षेत्र नम्बर २ बाट प्रतिनिधिसभाको उम्मेदवार  छन् ।

रेखा थापा 

अभिनेत्री रेखा थापा राप्रपा प्रजातान्त्रिककी केन्द्रीय सहस्य हुन् । यतिबेला उनी अध्यक्ष पशुपति शमशेर राणालाई जिताउने अभियानमा जुटेकी छिन् । अहिले उनी शमशेरलाई जिताउनकै लागि भोट माग्दै हिँडेकी छिन् । केही दिनअघि मात्रै उनी  सिन्धुपाल्चोक क्षेत्र नम्बर २ बाट  प्रतिनिधसभाको सदस्यका उम्मेदवार शमशेरलाई जिताउनको लागि भोट माग्न सिन्धुपालोचक पुगेकी थिइन् । रेखा राप्रपाकी सहमहामन्त्री समेत हुन् ।

राधिका हमाल

लोक गायिका राधिका हमाल स्थानीय तहको चुनावमा  कांग्रेसबाट गृह जिल्ला रोल्पाको  त्रिवेणी गाउँ पालिकाको उपप्रमुखमा उम्मेदवार थिइन् । यस्तो अवस्थामा राधिकाले कांग्रेसको प्रचार प्रसार गर्नु त स्वभाविक नै हो । तर उनी विजेता बन्न भने सकिनन् । स्थानीय तहको चुनावमा सक्रिय रहेकी राधिका अहिले पनि कांगे्रसलाई भोट मागिरहेकी छिन् । उनले सामाजिक सञ्जालमार्फत पनि नेपाली कांग्रेसको समर्थन गर्दै प्रतिनिधिसभा र प्रदेशसभाको चुनावमा कांग्रेसलाई भोट हाल्न सबैलाई आग्रह गरेकी छिन् ।  यसका साथैै उनले गीत संगीतमार्फत पनि पार्टीको प्रचार गर्दै आएकी छिन् ।  उनले चुनावलाई नै लक्षित गर्दै ‘कांग्रेस हो सुख र दुःखमा’ बोलको गीत सार्वजनिक गरेकी छिन् ।

बद्री पंगेनी

स्थानीय तहको चुनावमा लोकगायक बद्री पंगेनीले ‘मै पनि एमाले, सैं पनि एमाले’ भन्दै गीतको माध्ययमबाट एमालेको प्रचार–प्रसार गरे । एमालेको समर्थन जनाउँदै उनले एमालेले विभिन्न ठाउँमा आयोजना गरेका कार्यक्रममा पुगेर यही गीत प्रस्तुत गरे । स्थानीय तहको चुनावमा खुलेर एमालेको प्रचारप्रसारमा लागेका उनी यतिबेला पनि वाम एकताको गीत गाएर चुनावको प्रचार प्रसारमा सक्रिय देखिन्छन् । यतिबेला उनले पुष्पकमल दाहालको समर्थनमा ‘अघि बढ प्रचण्ड’ बोलको गीत गाएका छन् । केही दिन पहिले बद्रीले गगन थापाको विरुद्धमा गीत गाएपछि समाजिक सञ्जालमा उनको चर्को आलोचना भएको थियो 

रवीन्द्र खड्का 

लामो समय राप्रपामा रहेका कलाकार रवीन्द्र खड्काले पनि पार्टी परिवर्तन गरेका छन । कांग्रेस र राप्रपाको चुनावी तालमेलपछि राप्रपालाई  जिल्लाका एक सिट पनि नदिने निर्णय भएपछि  गरेपछि रवीन्द्रले राप्रपा परित्याग गरेर एमालेलाई अँगाले ।  उनी यतिबेला एमालेको समर्थन जनाउँदै प्रतिनिधिसभा  र प्रदेशसभाको चुनावका लागि प्रचार–प्रसारमा जुटेका छन् । शाही कालमा राप्रपाबाट काभ्रेको पनौतीबाट  मेयर बनेका रवीन्द्र एमालेमा प्रवेश गर्दा धेरै अचम्ममा परेका थिए । 

विनोद चौधरी

नेपालका एकमात्र अरबपति तथा पछिल्लो समय लेखकका रुपमा समेत पचिय थपेका  विनोद चौधरी कांग्रेसको तर्फबाट प्रतिनिधिसभाको समानुपातिक उम्मेदवार बनेका छन । यतिबेला उनी प्रदेशसभा र प्रतिनिधिसभा चुनावको प्रचार–प्रसारमा जुटेका छन् । चौधरी गोरखामा आयोजित लोकतान्त्रिक गठबन्धनको आमसभामा हेलिकप्टर लिएरै पुगेका थिए । उनीसँगै रामचन्द्र पौडेल र शंशाक कोइराला तथा बाबुराम भट्टराई पनि सहभागी थिए । चौधरी यसअघि नेकपा एमालेबाट समानुपातिक सांसद थिए । एमाले छाडेर कांग्रेसमा प्रवेश गरेपछि उनलाई पार्टीले समानुपातिक उम्मेदवार बनाएको थियो । 

नवल खड्का 

राष्ट्रिय चासोको विषयमा सिनेमा निर्माण गर्दै आएका कलाकार नवल खड्का माओवादी केन्द्रको समानुपातिकमा उम्मेदवार बनेका छन् । हाल उनी यसैको प्रचारप्रसारमा व्यस्त छन् ।  समानुपातिकमा प्रदेश नम्बर एकबाट प्रदेशसभामा उनको नाम छ । उनले आफूलाई मुख्यमन्त्रीको दाबेदारसमेत ठान्दै आएका छन । 


निखिल उप्रेती 

अभिनेता नखिल उप्रेती पहिलो पटक कसैको लागि भोट माग्न हिँडेका छन् । काठमाडौं क्षेत्र नम्बर ५मा वाम गठबन्धनका उम्मेदवार इश्वर पोखरेलका लागि निखिल भोट माग्न खटिएका छन् ।  निखिलले यसअघि कुनै पनि पार्टीलाई यसरी खुलेर समर्थन जनाएको देखिएको थिएन । 

यसका साथै अन्य केही कलाकारहरुले चुनावी गीत गाएर वा प्रहसन मार्फत चुनावको प्रचार–प्रसार गरिरहेका छन् ।  कांग्रेस निकट नेपाल सांस्कृतिक संघका कार्यबाहक अध्यक्ष शिवशंकर रिजाल जोगीन्दर विभिन्न चुनावी कार्यक्रममा सहभागी छन ।

त्यसैगरी लोकगायक विष्णु खत्रीले  वाम एकताको पक्षमा गीत गाएका छन् । वाम गठबन्धनलाई नै समर्थन गर्दै गायिका टिका पुन र गायक  नविन खड्काले  ‘आयो वाम गठबन्धन’ बोलको गीत गाएका छन् । गायक पुरुषोत्तम न्यौपाले ‘एमाले जनताको साथमा छ’ बोलको गीत गाउँदै  गीतमार्फत एमालेको प्रचार–प्रसार गरेका छन् । यस्तै गायिका पूर्णकला बिसी,  संगीतकार चेतन सापकोटा, गोविन्द मधुर आचार्य, शिला विष्ट, विपिन घिमिरेलगायतका कलाकारले पनि  चुनावी प्रचार–प्रसारको लागि गीत गाएका छन् । 




कमेन्टसहरु



सम्बन्धित शिर्षक समाचारहरु


कलाकारको राजनीति मोह, को कलाकार कुन पार्टीमा ? - 2017-11-20
काठमाडौं, मंसिर ४ –पछिल्लो समयमा धेरैजसो कलाकारहरु कुनै न कुनै पार्टीमा आवद्ध छन् । तर पार्टी प्रवेशपछि केही कलाकारहरुको सक्रियताले निरन्तरता पाएको छ भने केही प्रवेशसँगै राजनीतिबाट गुमनाम हुने गरेका छन् ।

भारतीय सुन्दरी मानुषी छिल्लरलाई मिस वल्र्डको ताज - 2017-11-19
काठमाडौं, मंसिर २ । भारतीय सुन्दरी मानुषी छिल्लर यो वर्षको मिस वल्र्ड बन्न सफल भएकी छन् ।भारतको हरियाणा राज्यकी २० वर्षीया छिल्लर चीनमा सम्पन्न ६७ औं मिस वल्र्ड प्रतियोगितामा १ सय ८ देशका प्रतिस्पर्धीलाई पछि पार्दै उपाधी चुम्न सफल भएकी हुन् ।

मकवानपुरे गायिका प्रतिभाको “सानुले नाचेको हेरौला, मायाले बेरौला” तीज कोसेली - 2017-07-21
नेपाली महिलाहरुको ठूलो पर्व हरीतालिका तीजको रमझम बिस्तारै बढदैछ । तीज नजिकिएसंगै बजारमा बिभिन्न किसिमको तीजगीतको ओईरो नै लागेको छ । नेपाली कला र सस्ंकृतीको जगेर्नामा अग्रसर अनि नेपाली लोकगीतको क्षेत्रमा आफ्नो छुट्टै पहिचान बनाउन सफल मकवानपुरे लोकदोहोरी गायिका प्रतिभा सापकोटाले उमाशंकर जोशीसंगको सहकार्यमा तीजको अबसरमा पनि आफ्नो नयाँ कोसेली “तीज आयो...” आम दर्शक माझमा पस्केकी छिन ।

‘छक्का पञ्जा २’ गीत सार्वजनिक - 2017-07-21
काठमाडौं, साउन ६ – बहुप्रतिक्षित सिनेमा ‘छक्का पञ्जा २’ को पहिलो गीत सार्वजनिक गरिएको छ । दीपाश्री निरौलाको निर्देशनमा बनेको ‘छक्का पञ्जा २’ मा समावेश ‘ए दाजु नसमाउ नाडीमा’ बोलको गीत शुक्रबार बिहान ८ बजे युट्युब च्यानल हाइलाइट्स नेपाल र रेडियो अडियोले एकसाथ सार्वजनिक गरेका हुन् ।

काले काले दिलवाले खोज्दै भौतारिँदै ईरा - 2017-07-13
काठमाडौँ/काले काले दिलवाले खोज्दै भौतारिँदै गरेकी मधुर स्वरकी धनी गायिका इरा शर्माले नेपाली संगितलाई माया गर्ने श्रोतालाई अर्को नयाँ दमदार सांगीतीक कोसेली “काले काले” पस्केकी छिन ।

दान्बिर र आरतिको तीज कोशेली - 2017-07-09
बजारमा विभिन्न किसिमका तीज गीत हरु सार्बजनिक भैरहेको अबस्थामा बुटवलका साना साना नानी बाबुले सशक्त अभिनय गरेको तीज भिडियो " माया मिसाउने " पनि सार्बजनिक भएको छ l उज्ज्वल गिरि दान्बिर र आरति रुचालको तीज कोशेलीलाइ स्वाभिमान क्रियाशंले बजारमा ल्याएको छ भने अविरल फिल्म्सले दृश्य निर्माण गरेको छ l

बिगबोस नयाँ सिजन: अक्षय होइन सलमानले नै होस्ट गर्ने - 2017-07-06
भारतीय चर्चित रियालिटी शो बिग बोसको नयाँ सीजन शुरू हुने क्रममा रहेको छ। यसैविच शो कस्ले होस्ट गर्ने भन्ने चर्चा चल्न थालेको छ।

चर्चित गायक सौगात सायर प्रहरी खोरमा - 2017-06-07
नेपाली सांगीतिक बजारमा एउटा चिर परिचित नाम हो सौगात सायर , तिमी फुलेउ कतै म फ़ुलेकतै, इतिहासको कुनै पानामा , लगायत चर्चामा रहेका गीत गाउने गायक अहिले २ नम्बर धन्दामा लागेको भन्दै इलाका प्रहरी कार्यालय बुटवलले कब्जामा लिएको छ , प्रहरीले खोजतलास गर्दा गायक सौगातको साथबाट ड्रग्स र हात हतियार समेत फेला पारेको बताएको छ l

प्रेममा छन् प्रभास र अनुष्का - 2017-05-25
एसएस राजामौलीको फिल्म ुबाहुबली २ु ले अहिलेसम्म वर्ल्डवाइड १५ सय करोडमाथिको विजनेश गरिसकेको छ ।

1 2 NEXT

सम्पर्क
मेन रोड, हेटौंडा उपमहानगरपालिका - ४
हेटौंडा, नेपाल
सम्पर्क: ०५७-५२४०८८
URL: www.hetaudafm.com.np
Email: hetaudafm@gmail.com

हाम्रो रेडियो
फेसवुक
Copyright © 2017, All Rights Reserved ! Powered by :
Top