मकवानपुर मिडिया प्रा.लि.द्धारा संचालित मकवानपुरको पहिलो रेडियो एफ.एम. हेटौंडा एफ.एम. ९६.६ मेगाहर्ज
logo
 मकवानपुरको मार्खुमा पहिरोः घरमै पुरिएर आमा छोरीको मृत्यु     भिमफेदी र हेटौंडा ५ का बिद्यालय तीन दिनका लागि बिदा     प्रदेश ३ सरकारको घोषणाः बाढी, पहिरोबाट मृत्यु भएका परिवारलाई एक लाख दिइने     मकवानपुरमा बाढी,पहिरोमा परी तीनजनाको मृत्यु      मकवानपुरको थाहानगरमा बाढीले बगाएर मृत्यु, कैलाशमा पहिरोमा परी बेपत्ता     प्रदेश ३ सरकारले खाद्य प्रयोगशाला निर्माण गर्ने     हेटौँडाका मासु पसल आजबाट खुल्यो     मकवानपुरमा बगाएका ४ र पहिरोले पुरीएका १ जनाको उद्धार     प्रदेश ३ खेलकुद परिषदका पदाधिकारिहरुको हेटौंडामा सफथग्रहण     हेटौँडाबाट ८५ किलो लागूऔषध गाँजासहित थापा पक्राउ     प्रदेश ३ का सांसदलाई बिदेश घुम्न २० लाख   

मकवानपुर समाचार

हेटौंडामा अहिलेसम्मकै अधिक गर्मी


  • मकवानपुर समाचार
  • 2 पटक पढिएको
हेटौंडा

हेटौंडामा अहिलेसम्मकै अधिक गर्मी


हेटौंडामा शनिवार तापक्रम अधिक बढेको छ । शनिबारको तापक्रम ४० डिग्री सेल्सियस पुगेको छ । तापक्रम उच्च भएपछि हेटौंडावासीको जनजीवनमा प्रभाव परेको छ ।

शनिबार हेटौंडाको तापक्रमलाई यस वर्षको उच्च तापक्रमका रुपमा लिइएको छ । यस वर्ष कम वर्षा भएकोले पनि तापक्रम उच्च भएको हुने अनुमान छ । उच्च गर्मीका कारण मानव स्वास्थ्यमा प्रत्यक्ष प्रभाव पर्ने भएकोले स्वास्थ्यमा ख्याल गर्न र प्रशस्त पानी पिउन चिकित्सकले सुझाव दिएका छन् ।

चर्को घाम र तातो हावासँगै गर्मी बढेपछि केही दिनयता सरकारी तथा गैरसरकारी कार्यालयमा सेवाग्राहीको उपस्थिति पातलिएको छ । बजारमा चिसो पेय तथा खाद्य पदार्थको बिक्री बढेको छ । तापक्रम बढ्नाका साथै चल्ने तातो हावा, हुरी, धुलोसँगै आगलागीको जोखिम पनि बढेको छ ।

तातो हावाहुरीकै कारण हरियो तरकारी खेती प्रभावित भएको छ । कामदारको दैनिक जीवन कष्टकर बन्न थालेको छ । तातो हावाकै कारण दिउँसो बाहिर हिँडडुल गर्न गाह्रो भएको छ । तापक्रम उच्च भएपछि बालबालिका बिरामी हुन थालेका छन् ।

गर्मी तथा वर्षायाममा बढी मात्रामा देखिने समस्या खाना विषाक्त हुनु हो । काँचो र नपाकेको मासु, बासी खाना, खाना बढी खाने, पचाउन नसकिने खाद्य पदार्थले खाद्यान्न विषाक्त हुने र यसबाट वान्ता हुने, पखाला लाग्ने र ज्वरो आउनेजस्ता समस्या देखापर्न सक्छ ।

तातो हावाका कारण शरीरबाट पसिना धेरै निस्केर शरीरमा पानीे कम हुन्छ । पानी कम भएपछि अंगहरुले तापक्रमलाई व्यबस्थित राख्न नसक्दा कमजोरी हुनेलगायत अन्य शारीरिक समस्या देखापर्ने भएकाले यसबाट बच्न पर्याप्त पानी पिउन डाक्टरहरुले सुझाएका छन् ।

अस्पताल तथा स्वास्थ्य केन्द्रमा गर्मी मौसममा लाग्ने विभिन्न रोगका बिरामीको चाप बढ्दै गएको छ । वैशाख र जेठ महिनाभर हेटौंडा क्षेत्रमा खासै पानी परेको छैन ।







Copyright © 2017, All Rights Reserved ! Powered by :
Top