मकवानपुर समाचार

हेटौंडा ।

 नेपाल पत्रकार महासंघ मकवानपुर साखाले आज बिहान एक घण्टा जिल्ला प्रशासन कार्यालय मकवानपुरमा धर्ना दिएको छ । पत्रकार महासंघको देशभरीका जिल्ला प्रशासन कार्यालयमा धर्ना दिने कार्यक्रम अनुसार मकवानपुरमा पनि एक घण्टा धर्ना दिएको हो ।

बिहान ९–३० बजेदेखि १०–३० बजेसम्म प्रशासनमा धर्ना दिएकोहो । पत्रकार महासंघको केन्द्रीय कार्यक्रम अनुसार आज एक घण्टा धर्ना दिएको र अब पनि पत्रकारका निम्ती आन्दोलन गर्न तयार रहेको पत्रकार महासंघ मकवानपुरका अध्यक्ष हरि हुमागाईले बताउनुभयो । समाचार लेखेकै आधारमा पत्रकारलाई धरपकट गर्ने, पक्राउ गर्ने र मुद्धा चलाउने काम तत्काल बन्द गर्नका लागि अध्यक्ष हुमागाईले आग्रह गर्नु भएको छ ।

महासंघ केन्द्रको सर्कुलेसन अनुसार जिल्लाले पत्रकार पक्राउको बिरोधमा बिभीन्न चरणबद्ध आन्दोलन गर्न तयार रहेको उहाँले बताउनुभयो । विद्युतीय कारोबार ऐनको दफा ४७ र ४८ अन्तर्गत पत्रकारलाई पटकपटक पक्राउ गर्ने क्रम बढेकोले उक्त दफाको खारेजीको माग राख्दै धर्ना दिइएको अध्यक्ष हुमागाईंले बताउनुभयो ।

नेपाल पत्रकार महासंघले देशभर आन्दोलन गर्ने हिजो निर्णय गरेसंगै देशैभरीका पत्रकार आन्दोलनमा उत्रिएका हुन् । पत्रकारलाई विद्युतीय कारोबार ऐन, उक्त दर्फा अन्तर्गत पटकपट पक्राउ गरी निर्वाध प्रेस स्वतन्त्रता उपभोगमा अवरोध खडा गर्दै प्रेस स्वतन्त्रतालाई निस्तेज बनाउने काम बढेपछि महासंघ आन्दोलन गर्न बाध्य भएको हो । जस अन्तर्गत विद्युतीय कारोबार ऐनको दर्फा ४७ र ४८ को खारेजी एवं पत्रकार अर्जुन गिरीसहित पक्राउ गरिएका पत्रकारको बिनाशर्त रिहाईको माग गर्दै पत्रकारहरु आन्दोलीत भएका हुन् । 

सम्बन्धित शिर्षक समाचारहरु

मकवानपुरको चित्लाङ र थानकोट सुरुङमार्गको सर्वे शुरु भयो–प्रधानमन्त्री ओली	राक्सीराङबाट १२२ केजी गाँजा सहित एक जना पक्राउ	मकवानपुरको वकैयामा धारिलो हतियार प्रयोग गरी एक जनाको हत्या, दुईजना घाइते
मकवानपुरमा पुन निर्माणको काम सन्तोषजनक भएन	मनकारी मेयर,द्वन्द पीडित सुभद्रालाई मेयर महतद्वारा घर बनाइदिने प्रतिबद्धता	चार छोरा युद्धमा गुमाएकी हेटौंडाकी आमाः ‘छोराहरुको बलिदानको कदर भएन’
प्रदेशका कानूनहरुको प्रतिवेदन मुख्यमन्त्री पौडेललाई बुझाइयो	जनताको मन जितेकी रुपा खुलालले क्यान्सरलाई जित्न सकिनन्	प्रदेश सरकार परिणाममुखी काम गर्छ –मुख्यमन्त्री पौडेल