मकवानपुर मिडिया प्रा.लि.द्धारा संचालित मकवानपुरको पहिलो रेडियो एफ.एम. हेटौंडा एफ.एम. ९६.६ मेगाहर्ज
logo
 मकवानपुरका थप ६ जनामा कोरोना भाइरस संक्रमण पुष्टि     हेटौंडाका थप दुईजना पुरुष र मकवानपुरगढीका महिलामा कोरोना संक्रमण पुष्टि     बागमती प्रदेशका पाँच मन्त्रालयका वोर्डमा अझै प्रदेश–३     हेटौंडालाई औद्योगिक नगरिका रुपमा विकास गर्छौ–मुख्यमन्त्री पौडेल,मकवानपुर उधोग संघमा पोखरेलको नेतृत्व     हेटौंडामा नेकपाका वरिष्ठ नेता नेपालको उद्घोषः ‘नेपाली भूमिबाट भारतिय सेना हटाउ’     प्रदेश ३ मन्त्रिपरिसद् वैठकः प्रदेशसभा वैठक पुस २१ गते बोलाउन प्रदेश प्रमुखलाई सिफारिस     नेकपा बैठकः प्रदेश ३ को नाम बागमती र राजधानी हेटौंडा     सुमो दुर्घटनामा मृत्यु हुनेको संख्या पाँच पुग्यो,एकै परिवारका चारजनाको मृत्यु     मकवानपुरको इन्द्रसरोबरमा सुमो दुर्घटना तीन जनाको मृत्यु     मकवानपुरमा गाँजा र अफिम फडानीको दोस्रो चरणको अभियान     मकवानपुरमा भुकम्पले ढलेका १४ हजार घर निर्माण   

राष्ट्रिय समाचार

चुनाव आउन ६ दिन मात्र बाँकी छँदा मतदाता अझै भोट खसाल्ने तरीकाबारे अनविज्ञ


  • राष्ट्रिय समाचार
  • 1 पटक पढिएको
  • २०७४ मंसिर ०४ सोमबार
काठमाडौं, मंसिर ४ – पहिलो चरणको चुनाव आउन ६ दिन मात्र बाँकी छँदा मतदाता शिक्षा प्रभावकारी नभएको गुनासो बढेको छ । निर्वाचन आयोगले गाउँटोलमा मतदाता शिक्षा कार्यक्रम सञ्चालन गरेको दाबी गरे पनि धेरै नागरिकले भोट दिने सही तरिका थाहा नपाएको गुनासो गरेका छन् ।

आयोगले सबै गाउँटोलसम्म मतदाता शिक्षा कार्यक्रम पुर्याउन नसकेको मतदाताको भनाई छ । दलका नेता कार्यकर्ताले पनि भोट मात्रै माग्ने गरेको, तर मतदान कसरी गर्ने भन्ने तरीका नसिकाएको मतदाताको गुनासो छ ।

आयोगले भने स्वयंसेवक खटाएर गाउँगाउँमा मतदाता शिक्षा कार्यक्रम सञ्चालन गरिएको र पोष्टर पर्चामार्फत पनि अभियान चलिरहेको जनाएको छ । आयोगका प्रवक्ता नवराज ढकालले ८ गतेभित्र सबै मतदाताको घरघरमा मतदाता शिक्षा पुग्ने दाबी गर्नुभयो ।

मतदाता शिक्षा ढिलो सुरु भएकाले अहिले नै सबै ठाउँमा पुग्न नसकिएको उहाँको भनाई छ । आयोगले कात्तिक २५ गतेदेखि मतदाता शिक्षा कार्यक्रम सुरु गरेको हो । आयोगले प्रतिनिधिसभा सदस्यका लागि हरियो रङ, प्रदेश सभाका लागि कालो रङ र समानुपातिकतर्फ रातो रङ चिन्ह भएको मतपत्र तयार गरेको छ ।

मतदाताले प्रतिनिधिसभा सदस्यका लागि हरियो रङको चिन्ह भएको मतपत्रमा एक छाप, प्रदेशसभा सदस्याका लागि कालो रङको चिन्ह भएको मतपत्रमा एक छाप र राजनीतिक दलका लागि समानुपातिक चुनाव प्रणालीको रातो रङको चिन्ह भएको मतपत्रको माथिल्लो खण्डमा एक छाप र तल्लो खण्डमा एक छाप लगाउनुपर्छ । 







Copyright © 2017, All Rights Reserved ! Powered by :
Top