मकवानपुर मिडिया प्रा.लि.द्धारा संचालित मकवानपुरको पहिलो रेडियो एफ.एम. हेटौंडा एफ.एम. ९६.६ मेगाहर्ज
logo
 राक्सीराङबाट १२२ केजी गाँजा सहित एक जना पक्राउ     मकवानपुरको वकैयामा धारिलो हतियार प्रयोग गरी एक जनाको हत्या, दुईजना घाइते     मकवानपुरमा पुन निर्माणको काम सन्तोषजनक भएन     मनकारी मेयर,द्वन्द पीडित सुभद्रालाई मेयर महतद्वारा घर बनाइदिने प्रतिबद्धता     चार छोरा युद्धमा गुमाएकी हेटौंडाकी आमाः ‘छोराहरुको बलिदानको कदर भएन’     प्रदेशका कानूनहरुको प्रतिवेदन मुख्यमन्त्री पौडेललाई बुझाइयो     जनताको मन जितेकी रुपा खुलालले क्यान्सरलाई जित्न सकिनन्     प्रदेश सरकार परिणाममुखी काम गर्छ –मुख्यमन्त्री पौडेल     नारायणी नदीमा दशैं अगाडि नै पानी जहाजमा सरर..     मकवानपुरका गैर सरकारी संस्थाः ‘केहीले राम्रो काम गरे धेरैले कागज मात्र मिलाए’     घरेलु उद्योगहरुको लागि प्रदेश सरकारले विशेष व्यवस्था गरेको छ–मन्त्री नेपाल   

राष्ट्रिय समाचार

पुनर्निर्माण प्राधिकरण प्रमुख भूसालद्वारा अमेरिकी कार्यबाहक राजदूतसँग भेट


  • राष्ट्रिय समाचार
  • 38 पटक पढिएको
  • २०७४ कार्तिक २३ बिहीवार
काठमाडौं, कात्तिक २३ राष्ट्रिय पुनर्निर्माण प्राधिकरणका प्रमुख कार्यकारी अधिकृत (सिइओ) युवराज भूसालले बिहीबार अमेरिकी कार्यबाहक राजदूत सहितको प्रतिनिधिमण्डलसँग भेट गर्नुभएको छ ।

अमेरिकी राजदूतावासका चार्च डि अफेयर्स गोञ्जालेजले कार्यभार सम्हालेकोमा सिइओ भूसाललाई बधाई दिंदै पुनर्निर्माणका प्राथमिकताबारे जिज्ञासा राख्नुभएको थियो । जवाफमा सीइओ भूसालले आफ्नो जोड व्यवस्थापन र समन्वयमा हुने बताउनुभयो । 

उहाँले विगतमा नेपाल सरकारका विभिन्न निकायको नेतृत्व तहमा रहेका काम गरेको अनुभवको सदुपयोग गर्दै पुनर्निर्माण प्रक्रियालाई गति दिने कुरामा विश्वस्त रहेको धारणा व्यक्त गर्नुभयो । 

सिइओ भूसालले स्थानीय तहका जनप्रतिनिधिहरुसँगको समन्वय, पर्याप्त जनशक्तिको व्यवस्थापन, भूमिमा स्वामित्व नभएका भूकम्पपीडितको समस्या समाधान, स्थानान्तरणको सवालमा छनौटको अवसर दिई जेठ मसान्तअघि ६० प्रतिशतलाई सुरक्षित आवासमा सार्ने लक्ष्य रहेको पनि जानकारी दिनुभयो । 

चार्च डी अफेयर्स गोञ्जालेजले पुनर्निर्माणको गतिमा तीवता आउँदा पारदर्शिता, समानता, समावेशिकरण र गुणस्तरमा सम्झौता गर्न नहुने धारणा राख्दै आफूसँग भएको स्रोतबाट प्राधिकरणलाई सहयोग गर्न तयार रहेको बताउनुभयो ।

उहाँले प्राधिकरणले राजनीतिक र कर्मचारीतन्त्रीय चुनौतीहरुको सामना गरिरहेको अनुभूति आफूलाई भएको मत पनि राख्नुभयो । गोञ्जालेजको जिज्ञासाको जवाफ दिंदै सीइओ भूसालले आफू कुनै राजनीतिक दलको व्यक्ति नभएकोले सबै दलको उत्तिकै सहयोग पाउने र समयमै पुनर्निर्माण सम्पन्न गर्ने विश्वास व्यक्त गर्नुभयो ।

काठमाडौंस्थित अमेरिकी राजदूतावासका कार्यबाहक राजदूत चार्च डी अफेयर्स माइकल गोञ्जालेजको नेतृत्वमा आएको टोलीमा युएसएड मिसनका निर्देशक पिटर मल्नाक, युएसएडकै डिजास्टर रिस्क रिडक्सन, रिकन्ट्रक्सन एण्ड रिसाइलेन्स अफिस निर्देशक लउरिन रेगनको पनि सहभागिता थियो ।  ujyaaloonline 







Copyright © 2017, All Rights Reserved ! Powered by :
Top