मकवानपुर मिडिया प्रा.लि.द्धारा संचालित मकवानपुरको पहिलो रेडियो एफ.एम. हेटौंडा एफ.एम. ९६.६ मेगाहर्ज
logo
 बागमती प्रदेशका पाँच मन्त्रालयका वोर्डमा अझै प्रदेश–३     हेटौंडालाई औद्योगिक नगरिका रुपमा विकास गर्छौ–मुख्यमन्त्री पौडेल,मकवानपुर उधोग संघमा पोखरेलको नेतृत्व     हेटौंडामा नेकपाका वरिष्ठ नेता नेपालको उद्घोषः ‘नेपाली भूमिबाट भारतिय सेना हटाउ’     प्रदेश ३ मन्त्रिपरिसद् वैठकः प्रदेशसभा वैठक पुस २१ गते बोलाउन प्रदेश प्रमुखलाई सिफारिस     नेकपा बैठकः प्रदेश ३ को नाम बागमती र राजधानी हेटौंडा     सुमो दुर्घटनामा मृत्यु हुनेको संख्या पाँच पुग्यो,एकै परिवारका चारजनाको मृत्यु     मकवानपुरको इन्द्रसरोबरमा सुमो दुर्घटना तीन जनाको मृत्यु     मकवानपुरमा गाँजा र अफिम फडानीको दोस्रो चरणको अभियान     मकवानपुरमा भुकम्पले ढलेका १४ हजार घर निर्माण     एकसय ५८ जनाले पाउने भए लाइसेन्स      शुरु भयो हेटौंडामा लाइसेन्स बितरण    

समाज

त्रिखण्डीमा भब्य मेला


  • समाज
  • 4 पटक पढिएको
  • २०७४ कार्तिक १४ मंगलवार
हरिबोधनी एकादशीका अबसरमा मकवानपुरको भैसे गाउँपालिकाको त्रिखण्डीमा भब्य मेला लागेको छ । आज बिहानैबाट त्रिखण्डीमा भब्य मेला लागेको हो । आज त्रिखण्डी मन्दीरमा पुजा गर्न आउनेहरुको ठुलो भिड लागेको छ । यता मकवानपुर गढी गाउँपालिकाको बंशगोपालमा पनि ठुलै मेला लागेको छ । यहाँ मेला हेर्न आउनेहरुको पनि दिनभरजसो भिडनै लागेको थियो । कार्तिक शुक्ल एकादशीका दिन मंगलबार आज हरिबोधनी एकादशी मनाईंदैछ ।

त्रिखण्डीमा भब्य मेला

हरिबोधनी एकादशीका दिन तुलसीसँग विष्णुको विवाह र विशेष पूजा गरी मनाउने परम्परा रहि आएको छ । असार शुक्ल एकादशी अर्थात हरिशयनी एकादशीका दिनमा चिरसागरमा सुतेका विष्णु आज ब्युँझने भएकाले आजको एकादशीलाई हरिबोधनी वा प्रबोधिनी एकादशी भन्ने गरिएको हो । हरिशयनीदेखि हरिबोधनी एकादशीका दिनसम्म चार महिना विष्णुका भक्तले तुलसीको व्रत गरी विशेष पूजा गर्ने गर्छन् । हरिशयनी एकादशीका दिन घर घरमा रोपेर विशेष पूजा गरिएको तुलसीको मठमा गाईको गोबर र रातो माटाले पोतेर सिँगारी फूलमालाले सजाएर विष्णुको तुलसीसँग विवाह गर्ने गरिन्छ । तुलसी विष्णु प्रिय भएकाले यो दिन तुलसीको विवाह विष्णुसँग गर्ने परम्परा रहेको धार्मिक ग्रन्थहरुमा उल्लेख गरीएको छ । आजको दिनमा तुलसीको मठ नजिकै विष्णुको प्रतीकका रुपमा निगालाको लिङ्ग गाडेर विधिपूर्वक पूजा गर्ने गरिन्छ । आजै देशभरका नारायण स्थान र मन्दिरमा विशेष पूजा गरी यो पर्व मनाइन्छ । आयुर्बेदमा तुलसीलाई औषधिको गुणले पनि युक्त मानिन्छ ।











Copyright © 2017, All Rights Reserved ! Powered by :
Top