मकवानपुर मिडिया प्रा.लि.द्धारा संचालित मकवानपुरको पहिलो रेडियो एफ.एम. हेटौंडा एफ.एम. ९६.६ मेगाहर्ज
logo
 जब १७ बर्षकै उमेरमा केटाले केटी भगाए,गाउँलेले रत्यौली पनि खेले,भोजपनि खाए     संघीय समाजवादी जिल्ला सदस्यसहित १३७ जना नेकपा प्रवेश     हेटौंडा डिभिजनअन्तर्गतका विद्युत वितरण केन्द्र प्रमुखसँग कुलमान घिसिङले गरे कार्यसम्पादन सम्झौता     मकवानपुरको चेपाङ बस्तीमा बालविवाह यथावत्ः स्कुले उमेरमै बिहे, किशोरी हुँदानहुँदै सुत्केरी     हेटौंडामा २८ औ अन्तराष्ट्रिय अपाङ्गता दिवस मनाइयो     प्रदेश–३ सरकारले जिल्ला अस्पताललाई सुविधा सम्पन्न वनाउँदै     जनताको न्याय मर्न दिनु हुँदैन–मन्त्री लामा     प्रदेश–३ को खाध्य सुरक्षा समितिको वैठकः पोषण विध शर्मालाई सदस्यमा नियुक्त     प्रदेश–३ को स्थायी राजधानी हेटौंडा, नाम वागमती तोकिन्छ– नेकपा अध्यक्ष प्रचण्ड     लैङ्गिक हिंसाविरुद्धको १६ दिने अभियानका अवसरमा हेटौंडामा कार्यक्रम     प्रदेश लोकसेवा आयोगको अस्थायी संगठन संरचना स्वीकृत   

राष्ट्रिय समाचार

चुनावी रणनीति बनाउँदै दलहरु, आज बेलुकीसम्म उम्मेदवारको टुंगो लगाउने तयारी


  • राष्ट्रिय समाचार
  • 5 पटक पढिएको
  • २०७४ कार्तिक ०२ बिहीवार
– चुनावी रणनीति बनाउन दलहरु बिहीबार पनि आन्तरिक छलफलमा व्यस्त छन् । आउँदो मंसिर १० र २१ गतेका लागि तय भएको प्रदेश र प्रतिनिधि सभा चुनावको लागि उम्मेदवार छनौटको अन्तिम तयारीमा रहेको दलहरुले जनाएका छन् । बिहानैदेखि आन्तरिक छलफलमा जुटेका दलहरुले बिहीबार बेलुकीसम्ममा उम्मेदवारको अन्तिम टुंगो लगाउने तयारी गरेको बताएका छन् ।

बिहीबार बेलुकीसम्ममा उम्मेदवारको टुंगो लगाउन गरी नेपाली कांग्रेस आन्तरिक छलफलमा व्यस्त छ । ३२ मध्ये सात जिल्लामा मंगलबार नै उम्मेदवार टुंग्याएको कांग्रेसले बाँकी २५ जिल्लामा उम्मेदवार टुंग्याउन बाँकी छ । उसले सबै जिल्लामा बिहीबार बेलुकीसम्ममा उम्मेदवारको टुंगो लगाएपछि मात्रै नाम सार्वजनिक गर्ने तयारी गरेको छ । 

यस्तै उम्मेदवारको टुंगो लगाउन नेकपा एमालेको स्थायी कमिटिको बैठक बस्दैछ । ललितपुरमा दिउँसो २ बजे बस्ने बैठकले आउँदो मंसिरमा हुने चुनावको लागि उम्मेदवारको टुंगो लगाउने एमालेले जनाएको छ । 

यसैगरी माओवादी केन्द्रले पनि आन्तरिक छलफल गरी उम्मेदवारको टुंगो लगाउन लागेको प्रवक्ता पम्फा भूषालले जानकारी दिनुभयो । अरु दल पनि चुनावी रणनीति बनाउन आन्तरिक छलफलमा छन् । पहिलो चरणमा हिमाल र पहाडका ३२ जिल्लाको ३७ निर्वाचन क्षेत्रमा मंसिर १० गते र दोस्रो चरणमा ४५ जिल्लामा प्रदेश र प्रतिनिधि सभा चुनाव हुँदैछ । 

यसैबीच एमाले र माओवादी केन्द्रसहितको वाम गठबन्धनमा क्षेत्र बाँडफाँड र सिट संख्या टुंग्याउने विषय जटिल बन्दै गएको छ । पहिलो चरणअन्तर्गत प्रदेश र संघको चुनावको उम्मेदवार मनोनयन दर्ता गर्न तीन दिन मात्रै बाँकी हुँदासम्म सहमति जुट्न सकेको छैन । क्षेत्र र सिट बाँडफाँड कार्यदलले दुई हप्तादेखि गृहकार्य गर्दा पनि अन्तिम टुंगो लगाउन नसकेपछि बिहीबार र शुक्रबार बैठक बसेर अन्तिम टुंगो लगाउने तयारी भएको गठबन्धनले जनाएको छ ।  ujyaaloonline 







Copyright © 2017, All Rights Reserved ! Powered by :
Top