मकवानपुर मिडिया प्रा.लि.द्धारा संचालित मकवानपुरको पहिलो रेडियो एफ.एम. हेटौंडा एफ.एम. ९६.६ मेगाहर्ज
logo
 शिवम् सिमेन्टद्वारा लक्ष्मी आधारभूत बिद्यालयलाई शैक्षिक सामग्री प्रदान     जोखिमयुक्त श्रम गर्ने बालबालिकालाई ठोस कार्यक्रम ल्याउँदैछौ–मुख्यमन्त्री पौडेल     सामुदायिक बिद्यालयमा स्थानीय तहले हस्तक्षेप गर्नु हुँदैन– शिक्षा मन्त्री पोख्रेल     उपमहानगरपालिकाद्वारा पत्रकार उपचार कोषमा चार लाख हस्तान्तरण     राजधानीको बिषय आगामी बैठकमा टुङ्गीन्छ–सभामुख श्रेष्ठ     प्रदेश ३ राजधानीको विषयमा अब संसदमा बोल्नु पर्दैन –मुख्यमन्त्री पौडेल     क्याम्पसमा सेवा सुविधा वढाउने भन्दा पनि गुणस्तरिय शिक्षा दिउँ–मुख्यमन्त्री पौडेल     प्रदेश–३ : प्रदेशसभाको बैठक भदौ २३ गते सोमबार बस्ने     हटियामा मानब बेचबिखन बिरुद्ध सडकमा निस्किए स्थानीय     मकवानपुरको भिमफेदीमा सुमो दुर्घटनाः मृत्यु हुनेको संख्या तीन पुग्यो     मुख्य न्यायधिवक्ता थपलियाद्वारा प्रदेश प्रमुख कोइराला समक्ष प्रतिवेदन प्रस्तुत   

समाज

मकवानपुरका किसानलाई साढे चार करोड अनुदान


  • समाज
  • 4 पटक पढिएको
७ श्रावण/मकवानपुरका किसानले जिल्ला कृषि विकास कार्यालय मकवानपुरबाट गत आर्थिक वर्ष २०७३/७४ मा करिब साढे चार करोड रुपैयाँ बराबरको अनुदान प्राप्त गरेका छन् । राष्ट्रिय पुनर्निर्माण कार्यक्रम, विशेष कृषि उत्पादन कार्यक्रम, कृषि प्रसार कार्यक्रम, बाली विकास कार्यक्रम, साना सिँचाइ कार्यक्रम र राष्ट्रपति चुरे संरक्षण कार्यक्रम शीर्षकमा चार करोड ४३ लाख ८३ हजार सात सय ५० रुपैयाँ बराबरको अनुदान वितरण गरिएको जिल्ला कृषि विकास कार्यालय प्रमुख निर्मल गदालले बताउनुभयो ।

मकवानपुरका किसानलाई साढे चार करोड अनुदान

कार्यालयले सबैभन्दा बढी अनुदान कृषि प्रसार कार्यक्रममा ९३ लाख ७४ हजार सात सय ५० रुपैयाँ वितरण गरेको उहाँले बताउनुभयो । कृषि प्रसार कार्यक्रमअन्तर्गत प्लास्टिक घर निर्माणका लागि ११ लाख ४९ हजार अनुदान उपलब्ध गराइएको थियो । प्लास्टिक घर निर्माणका लागि ५० प्रतिशत अनुदानमा दुई सय ८३ वटा प्लास्टिक वितरण गरेको उहाँले बताउनुभयो । साना सिँचाइ कार्यक्रमतर्फ कुल अनुदान ४८ लाख ६० हजार रहेको थियो । साना सिँचाइ योजना निर्माण तथा मर्मत सुधार कार्यक्रममा करिब ३१ लाख ५० हजार रुपैयाँ अनुदान उपलब्ध गराइएको कार्यालयले जनाएको छ । कृषक समूहको मागअनुसार अनुदान प्रदान गरिएको कृषि विकास कार्यालय प्रमुख गदालले बताउनुभयो । ‘बाली विकास कार्यक्रमअन्तर्गत कुल अनुदान ४९ लाख ६ हजार रुपैयाँ वितरण गरेको छौुं, उहाँले भन्नुभयो, ‘जसमध्ये बिउका लागि दुई लाख ८० हजार रुपैयाँ छ । बाली विकासमा २५ प्रतिशत अनुदानमा आठ मेट्रिक टन बिउ वितरण गरेको कार्यालयको तथ्यांक छ । राष्ट्रपति चुरे संरक्षण कार्यक्रममा ५३ लाख अनुदान वितरण गरिएको छ । तरकारीखेती, मसला बाली, भकारो सुधार, बगरखेती, बेमौसमी टनेल निर्माण आदिमा शत्प्रतिशत अनुदान वितरण गरिएको कार्यालयले जनाएको छ ।कार्यालयले राष्ट्रिय पुनर्निर्माण कार्यक्रममा दुई करोड १९ लाख १० हजार रुपैयाँ अनुदान वितरण गरेको छ । विशेष कृषि उत्पादन कार्यक्रम शीर्षकमा कार्यालयले करिब ५० लाख अनुदान दिएको छ । यस कार्यक्रमअन्तर्गत कृषकलाई मलमा प्रतिकेजी १० रुपैयाँ अनुदान दिएको र जिरो इनर्जी पम्पमा शत्प्रतिशत अनुदान दिएको थियो ।






Copyright © 2017, All Rights Reserved ! Powered by :
Top