मकवानपुर मिडिया प्रा.लि.द्धारा संचालित मकवानपुरको पहिलो रेडियो एफ.एम. हेटौंडा एफ.एम. ९६.६ मेगाहर्ज
logo
 बागमती प्रदेशका पाँच मन्त्रालयका वोर्डमा अझै प्रदेश–३     हेटौंडालाई औद्योगिक नगरिका रुपमा विकास गर्छौ–मुख्यमन्त्री पौडेल,मकवानपुर उधोग संघमा पोखरेलको नेतृत्व     हेटौंडामा नेकपाका वरिष्ठ नेता नेपालको उद्घोषः ‘नेपाली भूमिबाट भारतिय सेना हटाउ’     प्रदेश ३ मन्त्रिपरिसद् वैठकः प्रदेशसभा वैठक पुस २१ गते बोलाउन प्रदेश प्रमुखलाई सिफारिस     नेकपा बैठकः प्रदेश ३ को नाम बागमती र राजधानी हेटौंडा     सुमो दुर्घटनामा मृत्यु हुनेको संख्या पाँच पुग्यो,एकै परिवारका चारजनाको मृत्यु     मकवानपुरको इन्द्रसरोबरमा सुमो दुर्घटना तीन जनाको मृत्यु     मकवानपुरमा गाँजा र अफिम फडानीको दोस्रो चरणको अभियान     मकवानपुरमा भुकम्पले ढलेका १४ हजार घर निर्माण     एकसय ५८ जनाले पाउने भए लाइसेन्स      शुरु भयो हेटौंडामा लाइसेन्स बितरण    

राष्ट्रिय समाचार

लागुऔषध दुरुपयोग तथा ओसारपसारविरुद्धको अन्तर्राष्ट्रिय दिवस मनाईंदै


  • राष्ट्रिय समाचार
  • 2 पटक पढिएको
असार १२ – लागुऔषध दुरुपयोग तथा ओसारपसारविरुद्धको अन्तर्राष्ट्रिय दिवस सोमबार विभिन्न कार्यक्रम गरी मनाईंदै छ । संयुक्त राष्ट्रसंघको आह्वानमा रहेक वर्ष जुन २६ मा यो दिवस मनाउने गरिएको छ । दिवसको अवसरमा यो वर्षको नारा ‘पहिले सुनौं’ भन्ने तय गरिएको छ ।

लागुऔषध दुरुपयोग तथा ओसारपसारविरुद्धको अन्तर्राष्ट्रिय दिवस मनाईंदै

बालिबालिका र युवालाई सुन्नु उनीहरुलाई स्वस्थ र सुरक्षित रुपमा हुर्कने पहिलो चरण रहेको भन्दै यो नारा तय गरिएको हो । किशोर किशोरी तथा युवा युवती लागुऔषध दुव्र्यसनमा फस्नु पछिल्लो समय ठूलो चुनौती बनेको छ ।  गृहमन्त्री जनार्दन शर्माले कुलतबाट समाजलाई मुक्त गरेर लागुऔषधमुक्त समाज निर्माण गर्न आग्रह गर्नुभएको छ । लागुऔषध दुरुपयोग तथा ओसारपसारविरुद्धको अन्तर्राष्ट्रिय दिवसका अवसरमा शुभकामना सन्देश दिँदै उहाँले विद्यालय र कलेजका विद्यार्थीलाई दुव्र्यसनको कुलतबाट बचाउनुपर्नेमा जोड दिनुभयो । मन्त्री शर्माले विद्यालय उमेरका युवायुवतीलाई नियतवस दुव्र्यसनमा लागेका ग्याङले समेत फसाउने गरेको उल्लेख गर्दै नयाँ पुस्तालाई कुलतबाट जोगाउन जनचेतना फैलाउनुपर्ने आवश्यकता रहेको बताउनुभयो ।  गृहमन्त्री शर्माले दुव्र्यसनी नियन्त्रणका लागि आफ्ना अभिभावकले सन्तानलाई सचेत बनाउन आवश्यक रहेको बताउँदै सुर्ती र रक्सीले पनि मानव स्वास्थ्यमा ठूलो क्षति पुर्‍याइरहेकाले यसबाट जोगिनु आवश्यक रहेको छ भन्नुभयो । लागुऔषध निर्मुल गर्दै ओसारपसार नियन्त्रणका लागि सरकार प्रतिबद्ध रहेको उहाँले सन्देशमा भन्नुभएको छ । यही असार १२ गते गृहमन्त्रालयले लागुऔषध दुरुपयोग तथा अवैध ओसारपसारविरुद्धको अन्तर्राष्ट्रिय दिवस विशेष कार्यक्रम गरेर मनाउँदैछ ।






Copyright © 2017, All Rights Reserved ! Powered by :
Top