मकवानपुर मिडिया प्रा.लि.द्धारा संचालित मकवानपुरको पहिलो रेडियो एफ.एम. हेटौंडा एफ.एम. ९६.६ मेगाहर्ज
logo
 कांग्रेसले गर्याे संसद् अवरोध     मुलुकको शान्ति प्रक्रियामा अवरोध नगर्न प्रधानमन्त्री ओलीको चेतावनी     राष्ट्रिय चिकित्सा शिक्षा विधेयक सर्वसम्मतिले स्वीकृत     बिराटनगरमा तनाब     लैङ्गीक मुल प्रबाहिकरको सवालमा पुरुष महिला संङ्गै एक हुनुपर्नेमा जोड      स्थानीयको विरोधपछि हेटौंडाको बसपार्कमा तौलपुलको लागि खनिएको खाडल पुरियो     नेपाली महिला क्रिकेट टोलीको शानदार जित, चीन १० विकेटले पराजित     बिजुली गाडी चार्ज गर्न अब 'मोबाइल' चार्जर !     अमेरिकामा हिमआँधीका कारण एक प्रहरीसहित १० को मृत्यु, लाखौँ घर बिजुली विहीन     मोरङमा बन्यो नमूना तरकारी बजार, झण्डै ४५ हजार मेट्रिक टन कारोबार क्षमता     सांसदद्वारा बमजनमाथि कारबाही गर्न माग   

समाज

बालविवाह रोक्न बकैयाका धार्मिक अगुवाहरुको ऐक्याबद्धता


  • समाज
  • 9 पटक पढिएको
२८ जेष्ठ –मकवानपुरको बकैया गाउँपालिका वडा नं. ३ मा धार्मिक अगुवाहरुसँग २ दिने अन्तक्र्रिया कार्यक्रम सम्पन्नभएको छ । छतिवनमा सिविन र सरोकारवालहरुले थालनी गरेको बालविवाह रोकथाम र न्यूनीकरणको अभियानमाधार्मिक अगुवाहरुको महत्वपूर्ण भूमिकाहुने भएकाले अन्तक्र्रिया कार्यक्रमको आयोजनागरिएको सिविनबाल हेल्पलाइन मकवानपुरका जिल्ला संयोजक झबिन्द्र ज्ञवालीले बताए ।

बालविवाह रोक्न बकैयाका धार्मिक अगुवाहरुको ऐक्याबद्धता

बकैया गाउँपालिका वडा नं. ३ का वडा अध्यक्ष दिलबहादुर बोम्जनको प्रमुख आतिथ्यतामा सम्पन्न कार्यक्रममा हिन्दू, बौद्ध र इसाई धर्मका अगुवाहरु ३० जनाको सहभागिता रहेको थियो । कार्यक्रममा प्रमुख अतिथि बोम्जनले बालविवाह जस्ता सामाजिक कुरीति र अपराधलाई रोकथाम र न्यूनीकरण गर्न आगामीदिनमा वडा समितिको तर्फबाट सक्दो सहयोग गर्ने प्रतिबद्धता जाहेर गरेका थिए । 

उक्त कार्यक्रमका बिचमा बौद्ध धर्मका गुरुहरुले समाजमा बालविवाह रोक्नमा सबै धर्मका गुरुहरुको ऐक्यबद्धता र प्रयासको खाँचो रहेको बताए । साथै उनीहरुले हालसम्म बालविवाहको कानूनी ज्ञान कम भएकाले चासो नदिएकोमा यो विषयमा आगामी दिनमा भने कसैले विवाहको लगन जुराउन, साइत हेर्न, विवाहको कुरा टुंगो लगाउन आफुसंग सल्लाह लिन आउँदा विवाह हुनलागेका केटा, केटीको उमेर प्रमाणको कागज हेरेर कानून बमोजिमको उमेर पुगेको पुष्टि हुन आए मात्रै विवाह गराइदिने, उमेर नपुगेको पाइएमा विवाह रोक्नतर्फ लाग्ने बौद्ध धर्मका एक अग्रज अगुवा (लामा) जिन्लप दोर्जे लामाले प्रतिबद्धता जाहेर गरेका थिए । साथै हिन्दू धर्मकापुजारी, पूरोहितहरुले पनि विवाहका लागि आप्mनो सम्पर्कमा आउने समाजका व्यक्तिहरुलाई बालविवाहको बारेमा सचेत गराउने, बालविवाह गर्न गराउन आफ्नो सहभागिता नै सून्य हुने कुरामा प्रतिबद्धता व्यक्त गरे । 

यस्तै गरी इसाई धर्मका अगुवाहरुले पनि आफ्ना मण्डलीहरुमा हरेक नियमित बैठक, भेलामा किशोरकिशोरी, युवाहरु र अभिभावकहरुमाझ बालविवाहको सवालमा छलफल गर्ने प्रतिबद्धता व्यक्त गरे । छतिवनको हात्तीसुँडेमा भएको उक्त कार्यक्रमका सहभागीहरुले बालविवाहका विषयमा यस किसिमले धार्मिक अगुवाहरुसँगै मात्रै छलफल गरेको कार्यक्रम सम्भवत पहिलो अनुभव भएको बताए । कार्यक्रमको अन्तमा ३ वटै धर्मकाअगुवाहरु एक हुँदै आफ्ना क्षेत्रमा बालविवाह हुन नदिन आ–आफ्नो तर्फबाट सक्दो प्रयास गर्ने भन्दै हस्ताक्षर सहितको सामूहिक लिखित प्रतिबद्धता समेत गरेका थिए ।









Copyright © 2017, All Rights Reserved ! Powered by :
Top