मकवानपुर मिडिया प्रा.लि.द्धारा संचालित मकवानपुरको पहिलो रेडियो एफ.एम. हेटौंडा एफ.एम. ९६.६ मेगाहर्ज
logo
 हेटौंडामा दिनहुँ डेंगु नियन्त्रण अभियान     मकवानपुरमा १०३ केजी गाँजा सहित पाँच जना पक्राउ     हेटौँडा–भरतपुर प्रसारण लाइनको काम ठप्प     आगामी चुनावपछि मलाई पनि पदमा बसिरहन मन छैन : प्रधानमन्त्री     प्रदेश ३ का ११९ वटै स्थानीय तहका बिद्यालयमा शिक्षक बनेर आइन् नर्स     हेटौँडाको शिवम् फ्युल सेन्टरमा शिलबन्दी     हेटौंडामा बस दुर्घटना, एक जनाको मृत्यु १५ जना घाईते     हेटौंडामा डेंगु नियन्त्रण गर्न सबै एकै साथ लागे मात्र संभव     हेटौंडामा तीन दिने ‘सृजनशील उद्यमी मेला’ हुँदै     प्रदेश ३ का ११९ वटै स्थानीय तहमा नर्स राख्ने तयारी     ‘प्रदेश सभा दर्पण’को दोस्रो अङ्क बिमोचन   

राष्ट्रिय समाचार

सिरहाको यातायात कार्यालयमा शक्तिशाली बम बिस्फोट


  • राष्ट्रिय समाचार
  • 3 पटक पढिएको
सिरहा, वैशाख २८ – नचिननेका मान्छेको समूहले सिरहाको लहानस्थित अञ्चल यातायात व्यवस्था कार्यालयमा शक्तिशाली कुकर बम बिस्फोट गराएको छ । बिहीबार दिउँसो १२ बजे यातायात कार्यालयमामा बम विस्फोट भएको हो । बिस्फोटबाट कुनै मानवीय क्षति भएको छैन । बिस्फोटले गर्दा शौचालयको भित्ता चर्किएको छ । झ्यालका सिसाहरु फुटेका छन् ।

सिरहाको यातायात कार्यालयमा शक्तिशाली बम बिस्फोट

कार्यालयको माथिल्लो तल्लामा रहेको शौचालयमा बम बिस्फोट भएको प्रहरीले जनाएको छ । सेवाग्राहीको भिड लाग्ने यातायात कार्यालयमा बम बिस्फोट हुँदा सेवाग्राहीहरु भागदौड मच्चिएको थियो । बम बिस्फोटपछि कार्यालयका सम्पूर्ण कामकाज ठप्प रहेको कार्यालका प्रमुख ओमकार प्रसाद न्यौपानेले जानकारी दिनुभयो । न्यौपानेका अनुसार दिउँसो आफ्नो कक्षमा  कार्यालयका कर्मचारीहरुसँग छलफल गरिरहेको बेला एक्कासी ठूलो आवाजमा बम विस्फोट भएको हो ।  

कसले र किन बिस्फोट गराएको हो भन्नै नखुलेको प्रहरीले जनाएको छ । चुनाव नजिकिँदै जाँदा जिल्लाको सुरक्षा व्यवस्था कडा नहुँदा बम बिस्फोटन भएको स्थानीय बासिन्दाको आरोप छ । घटनास्थलमा अहिले नेपाली सेना र प्रहरीको टोली पुगेको छ । 







Copyright © 2017, All Rights Reserved ! Powered by :
Top