मकवानपुर मिडिया प्रा.लि.द्धारा संचालित मकवानपुरको पहिलो रेडियो एफ.एम. हेटौंडा एफ.एम. ९६.६ मेगाहर्ज
logo
 बागमती प्रदेशका पाँच मन्त्रालयका वोर्डमा अझै प्रदेश–३     हेटौंडालाई औद्योगिक नगरिका रुपमा विकास गर्छौ–मुख्यमन्त्री पौडेल,मकवानपुर उधोग संघमा पोखरेलको नेतृत्व     हेटौंडामा नेकपाका वरिष्ठ नेता नेपालको उद्घोषः ‘नेपाली भूमिबाट भारतिय सेना हटाउ’     प्रदेश ३ मन्त्रिपरिसद् वैठकः प्रदेशसभा वैठक पुस २१ गते बोलाउन प्रदेश प्रमुखलाई सिफारिस     नेकपा बैठकः प्रदेश ३ को नाम बागमती र राजधानी हेटौंडा     सुमो दुर्घटनामा मृत्यु हुनेको संख्या पाँच पुग्यो,एकै परिवारका चारजनाको मृत्यु     मकवानपुरको इन्द्रसरोबरमा सुमो दुर्घटना तीन जनाको मृत्यु     मकवानपुरमा गाँजा र अफिम फडानीको दोस्रो चरणको अभियान     मकवानपुरमा भुकम्पले ढलेका १४ हजार घर निर्माण     एकसय ५८ जनाले पाउने भए लाइसेन्स      शुरु भयो हेटौंडामा लाइसेन्स बितरण    

मकवानपुर समाचार

चार छोरा युद्धमा गुमाएकी हेटौंडाकी आमाः ‘छोराहरुको बलिदानको कदर भएन’


  • मकवानपुर समाचार
  • 68 पटक पढिएको
मकवानपुर

चार छोरा युद्धमा गुमाएकी हेटौंडाकी आमाः ‘छोराहरुको बलिदानको कदर भएन’

हेटौंडा प्रदेश तीनकै अस्थायी राजधानी, अनि पूर्व पश्चिम राजमार्ग पनि । हेटौंडा उपमहानगरपालिकाको वडा नम्बर ९ पूर्व पश्चिम राजमार्गसँगै जाडिएको छ । यही राजमार्गबाट करिब दुई सय मिटर भित्र एउटा सकुम्वासी बस्ती छ,त्यही बस्तीमा एउटा बाँसले बारेको घर छ अनि त्यही घरमा उमेरले सात दशक पुगेकी एक आमा बस्छिन् र साथमा उनी १८ बर्षीया नातिनीपनि ।

बाहिर बाँस र काठले बारेको घर,भित्र लिपपोत गरेर सफा राखिएको घर अनि त्यही घर रुँग्दै गरेको अवस्थामा  ७० बर्षीया शावित्री दर्नाल भेटिइन् । मनमा कहिल्यै नमेटिने घाऊ छ तैपनि मुटुमाथि ढुंगा राखेर उनी हास्दै थिइन् अनि बाहिरबाट कोही नौला मान्छे आएपछि सत्कार गर्नुपर्छ भन्ने कुरा पनि सिकेकी छन् ,उनले ।

उनले पाँचभाइ छोरा जन्म दिइन् तर अहिले दशैं संघारमा नै आएको छ तर उनलाई दशैं दशैं बनेर आएको जस्तो लाग्दैन । पाँच भाइ छोरा जन्माएकी शावित्रीको कोख अहिले रित्तो छ । श्रीमानले छाडेर गएको पनि दशक भइसकेको छ । अहिले उनलाई साथ दिने भनेको त्यही कान्छा छोराको छोरी अस्मिसा छिन्,उनी भर्खर १८ बर्षमा पुग्नि ।

युद्धले रित्यायो कोख

२०४६ सालभन्दा अगाडि संसारमा नै आफू सबैभन्दा खुसी रहेको महुुसुस थियो,शावित्रीको तर त्यसपछि उनको जीवनमा यस्तो कालो बादल मडारियो कि जसले जीजनभर उनलाई ठूलो घाउ लगायो । २०४६ सालको आन्दोलनमा देश परिवर्तन गछौं भन्दै उनका जेठो छोरा काजी र माइलो छोरा भक्त घरबाट निस्किए त्यसपछि उनीहरु कहिल्यै घर फर्किएनन् ।

उनलाई यत्ति थाहा छ,छोराहरुलाई तत्कालिन शासकले मा¥यो तर उनले आफ्ना छोराहरुको लाश समेत पाएकी छैनन् । २०५२ सालमा अर्को युद्ध भयो,काँइलो छोरा रंजित र कान्छो छोरा अमृत माओवादीमा लागे त्यसपछि २०६० सालमा यी दुबै छोरा मारिए भन्ने खबर उनले सुनिने तर लाश पाएकी छैनन् । चार छोरा गुमाएपनि साँइलो छोरा भीमको अनुहार हेरेर चित्त बुझाएकी शावित्रीले तीन बर्ष अगाडि साइलो छोराको पनि रोगका कारण मृत्यु भएपछि उनी बेसाहारा बनिन् । अहिले उनलाई रोगले च्यापेको छ,बिहान बेलुका खाने अन्न छैन,कमाउन सक्दिनन् । रोएर मात्रै आफ्नो दिन बित्ने गरेको झन् चाडवाडमा अरुका छोरा आउदा आफ्नो मुटुमा भक्कानो पर्ने गरेको पीडा उनले रुँदै नेपाल समाचारपत्रसँग पोखिन् ।

नातिनीको कथा झन् कष्टकर

शवित्रीकी नातिनी अस्मिसा १८ बर्षमा पुग्नि। आफ्नो बावुको उनलाई अनुहार थाहा हुने कुरै भएन । आमा बावु बेपत्ता भएपछि अर्कइसँग डिहिँन् । उनलाई हजुरआमा शावित्रीले हुर्काइन् । कक्षा ८ मा पढ्दै गर्दा दुई बर्ष अगाडि उनलाई उनकै ठूलो फुपुले निर्धात गाली गरिछन् । उनी पढेको बिद्यालयमा गएर शिक्षक र साथीहरुकै अगाडि उनको बेइज्यत गरिछन् । त्यो सहन नसकेर अस्मिसाले बिष खाइछन् ।

चार दिनको अस्पतालको बसाइपछि उनी घर आइन् । फूपुले आफूलाई तैंले तेरो बाऊ पनि खाइस्,मेरो आमा पनि खान्छेस् भन्नै गाली गर्ने गरेको बताइन् । स्कूलको नैतिक बिषय पढाउने सरले सामान्य पिटेका कारण र आफ्नो बेइज्यत भएका कारण स्कूल नगएको उनी बताउछिन् ।
सहयोगको अपेक्षा

बुढेश कालमा साहारा देलान् भन्ने छोराहरु नै मारिएपछि उनलाई अहिले सहयोगीहरुको आश लागेको छ । उनी रोगी छन् । उनलाई हालसम्म हेटौंडाबाट प्रसारण हुने हेटौंडा एफएमले तीजको दिन रु. पाँच हजार सहयोग गरेको संझना छ । त्यही दिन मकवानपुरकै एकजना ब्यवसायीबाट रु. पाँच हजार सहयोग पाएकी छिन् । त्यो पैसा औषधीमा खर्च भएको र दुई हजार बचाएर दशैंका लागि चालम किनेको उनी सुनाउछिन् ।






सम्बन्धित शिर्षक समाचारहरु



बागमती प्रदेशका पाँच मन्त्रालयका वोर्डमा अझै प्रदेश–३

हेटौंडालाई औद्योगिक नगरिका रुपमा विकास गर्छौ–मुख्यमन्त्री पौडेल,मकवानपुर उधोग संघमा पोखरेलको नेतृत्व

हेटौंडामा नेकपाका वरिष्ठ नेता नेपालको उद्घोषः ‘नेपाली भूमिबाट भारतिय सेना हटाउ’

प्रदेश ३ मन्त्रिपरिसद् वैठकः प्रदेशसभा वैठक पुस २१ गते बोलाउन प्रदेश प्रमुखलाई सिफारिस

नेकपा बैठकः प्रदेश ३ को नाम बागमती र राजधानी हेटौंडा

सुमो दुर्घटनामा मृत्यु हुनेको संख्या पाँच पुग्यो,एकै परिवारका चारजनाको मृत्यु

मकवानपुरको इन्द्रसरोबरमा सुमो दुर्घटना तीन जनाको मृत्यु

मकवानपुरमा गाँजा र अफिम फडानीको दोस्रो चरणको अभियान

मकवानपुरमा भुकम्पले ढलेका १४ हजार घर निर्माण

Copyright © 2017, All Rights Reserved ! Powered by :
Top