मकवानपुर मिडिया प्रा.लि.द्धारा संचालित मकवानपुरको पहिलो रेडियो एफ.एम. हेटौंडा एफ.एम. ९६.६ मेगाहर्ज
logo
 सवारी इजाजत रद्द गर्ने सरकारी तयारी, समितिका पदाधिकारी पक्राउ पर्न सक्ने     साउदी जेलमा बन्दी रहेका प्रेमबहादुर राईलाई छुटाउन प्रधानमन्त्रीद्वारा ३० लाख हस्तान्तरण     सेवा रोक्ने देशभरका यातायात समितिका पदाधिकारीलाई पक्राउ गर्न गृहमन्त्रीको निर्देशन     नाकाबन्दीमा लिफ्ट अफर गरेर चर्चित बनेको ‘कारपूल’ फेरि ब्युँतियो     पालुङ स्वास्थ्य केन्द्रको भवन २५ बैशाखमा हस्तान्तरण हुने     कमल थापाले प्रधानमन्त्रीलाई भने– सरकार टिकाउन आत्मसमर्पण नगर्नुस्     सिन्डिकेट पक्षधर समितिले बन्द गरे लामो दूरीका बस     ​३३ किलो सुन तस्करी प्रकरणः बयान दिन गएका एसएसपी नै परे पक्राउ     अरुलाई न्याय दिने उपमेयर नै श्रीमानबाट कुटिए ।     चुरियामाईमा विद्यार्थी बोकेको बस दुर्घटना हुँदा ४० घाइते     आफ्नो लुगा लिलामी गर्ने घोषणापछि अक्षय दम्पत्ति ट्रोलको शिकार   

खेलकुद समाचार

राष्ट्रिय कबड्डी प्रतियोगिताको उपाधि आर्मीलाई


  • खेलकुद समाचार
  • 3 पटक पढिएको
  • २०७४ पौष २७ बिहीवार
राष्ट्रिय खेलकुद परिषद च्याम्पियनसिप २०७४ अन्र्तगत राष्ट्रिय कबड्डी प्रतियोगिताको उपाधि त्रिभुुवन आर्मी क्लबले जितेको छ । पुरुष र महिला दुवैतर्फको उपाधि त्रिभुवन आर्मीले हात पारेको हो ।

राष्ट्रिय कबड्डी प्रतियोगिताको उपाधि आर्मीलाई

बिहीबार सम्पन्न पुरुषतर्फको फाइनल खेल त्रिभुवन आर्मी क्लब र पश्चिमाञ्चल बीच भएको थियो । फाइनलमा आर्मीले पश्चिमाञ्चललाई २५ का विरुद्ध ३९ अंक ल्याएर कबड्डी च्याम्पियनसिपको उपाधि हात पारेको हो । पुरुषतर्फको प्रतियोगितामा पश्चिमाञ्चलले दोस्रो स्थान हात पारेको छ । 

त्यस्तै महिलातर्फको कबड्डी च्याम्पियनसिपको उपाधि पनि त्रिभुवन आर्मीले हात पारेको छ । महिलातर्फको फाइनल खेलमा त्रिभुवन आर्मी र सुदूरपश्चिमाञ्चल भिडेका थिए । सुदूरपश्चिमाञ्चललाई २२ का विरुद्ध ३९ अंक ल्याएर त्रिभुवन आर्मी क्लबले महिलातर्फको च्याम्पियनसिप उपाधि हात पारेको हो । उपाधि विजेता र उपविजेता खेलाडीहरुलाई राष्ट्रिय खेलकुद परिषदका सदस्य सचिव केशवकुमार विष्टले ट्रफी र प्रमाणपत्र वितरण गर्नुभएको थियो ।

राखेप च्याम्पियनसिप २०७४ अन्र्तगत २२ औँ पुरुष तथा १७ औँ महिला राष्ट्रिय कबड्डी प्रतियोगीता बर्दियाको ठाकुरबाबा नगरपालिका–१, भुरीगाउँको सिंहवाहिनी खेल मैदानमा भएको थियो । खेलमा उत्कृष्ट खेलाडीको उपाधि महिलातर्फ नेपाली सेनाकी मेनुका राजवंशी र पुरुषतर्फ पनि नेपाली सेनाकै नागेश्वर थारुले हात पारेका छन् । उनीहरु दुवैले नगद १५ हजारसहित प्रमाण पत्र प्राप्त गरेका छन् । लिगकम नकआउटका आधारमा खेलाइएको खेलमा पुरुषतर्फ २ वटा विभागीय टोलीसहित पाँच विकास क्षेत्रका गरी ७ टिम र महिलातर्फ ३ वटा विभागीय टोलीसहित ५ विकास क्षेत्रका गरी ८ टिमको सहभागीता रहेको थियो । पुस २४ गतेदेखि सुरु भएको अखिल नेपाल कबड्डी संघले आयोजना गरेको प्रतियोगितामा पाँच विकास क्षेत्रका महिला र पुरुष गरी ५र५ टिम, आर्मी क्लब, सशस्त्र प्रहरी र नेपाल प्रहरी ३÷३ वटा विभागीय टिम गरी ८र८ वटा टिम सहभागी रहेका थिए ।गएको सोमबारदेखि सञ्चालित राष्ट्रिय कबड्डी प्रतियोगीता पुरुषतर्फ २२ औँ र महिलातर्फ १७ औँ संस्करण हो । 






Copyright © 2017, All Rights Reserved ! Powered by :
Top