मकवानपुर मिडिया प्रा.लि.द्धारा संचालित मकवानपुरको पहिलो रेडियो एफ.एम. हेटौंडा एफ.एम. ९६.६ मेगाहर्ज
logo
 नेपाली महिला क्रिकेट टोलीको शानदार जित, चीन १० विकेटले पराजित     बिजुली गाडी चार्ज गर्न अब 'मोबाइल' चार्जर !     अमेरिकामा हिमआँधीका कारण एक प्रहरीसहित १० को मृत्यु, लाखौँ घर बिजुली विहीन     मोरङमा बन्यो नमूना तरकारी बजार, झण्डै ४५ हजार मेट्रिक टन कारोबार क्षमता     सांसदद्वारा बमजनमाथि कारबाही गर्न माग     सपथ खुवाउन माग गर्दै मनाङेले दिए निवेदन     धादिङमा २३५ किलो चरेशसहित २ जना पक्राउ     मिस नेपाल खतिवडा राष्ट्रिय वाणिज्य बैंकको ब्राण्ड एम्बेसडरमा नियुक्त     माघपछि ‘वार रुम’ बाट के-के गर्छन् प्रधानमन्त्री ओली ?     आत्महत्या गर्न गएका छोराले गरे आमाको हत्या     उखुबारीमा रगताम्य अवस्थामा भेटिइन् बालिका, बलात्कारको आशंका   

राष्ट्रिय समाचार

सपथ खुवाउन माग गर्दै मनाङेले दिए निवेदन


  • राष्ट्रिय समाचार
  • 32 पटक पढिएको
  • कलमपाटी
मनाङबाट निर्वाचित सांसद राजिव गुरुङ ‘दीपक मनाङे’ ले आफूलाई प्रदेश सदस्यको सपथग्रहण गराउन माग गर्दै गण्डकी प्रदेशको सभामुख कार्यालयमा निवेदन दिएका छन्। सर्वोच्च अदालतबाट जमानतमा थुनामुक्त भएपछि एक साताअघि गुरुङले सभामुखको कार्यालयमा निवेदन दिएको गण्डकी प्रदेशका सभामुख नेत्रनाथ अधिकारीले बताए। सपथ खुवाउने वा नखुवाउने भन्ने निर्णयमा पुग्न नसकेको उनले बताए।

सपथ खुवाउन माग गर्दै मनाङेले दिए निवेदन

‘उहाँले निवेदन दिनुभएको छ। कानूनी हिसाबले सपथ गराउन मिल्छ या मिल्दैन छलफल गरिराखेका छौं,’ सभामुख अधिकारीले सेतोपाटीसँग भने, ‘प्रष्ट कानुन नहुँदा निर्णयमा पुग्न गाह्रो भयो।’ गत बिहीबार गुरुङले निवेदन दिएपछि शुक्रबार यसबारे छलफल गर्न संसदको कार्यव्यवस्था परामर्श समितिको बैठक डाकिए पनि सबै दलको प्रतिनिधित्व नभएको भन्दै बैठकले औपचारिकता पाएन । सभामुख अधिकारीले मुख्यन्यायाधीवक्ता र कानुनका जानकारसँग पनि छलफल गरिरहेका छन्। पुनरावेदन अदालत पाटनले ज्यान मार्ने उद्योग मुद्दामा दोषी ठहर गर्दै मनाङेलाई ५ वर्ष कैद सजाय हुने भनी गरेको फैसलालाई गएको वैशाखमा सर्वोच्चले सदर गरेपछि मनाङबाट निर्वाचित मनाङे जेल गएका थिए। 

गत वर्ष मंसिरमा भएको चुनावमा मनाङ प्रदेशसभा ‘ख’ बाट नेपाली कांग्रेसका उमेद्वार कर्म गुरुङलाई हराउँदै स्वतन्त्र उमेद्वार गुरुङ निर्वाचित भएका थिए। तत्कालिन नेकपा एमालेकी उमेद्वार खाण्डा लामा गुरुङले उमेद्वारी फिर्ता लिँदै समर्थन गरेपछि मनाङे विजयी भएका थिए। गुरुङलाई सपथ खुवाउनु पर्नेमा नेकपाका सांसदहरु छन् भने प्रतिपक्षी कांग्रेसले सपथ खुवाउन नमिल्ने बताउँदै आएका छन्।







Copyright © 2017, All Rights Reserved ! Powered by :
Top